Message from principal

आदरणीय अभिभावकज्यू तथा प्यारा विद्यार्थी भाइबहिनीहरू सबैमा नमस्कार ।

यस पवित्र भूमिमा हाम्रा सचेत अग्रजहरूले आजभन्दा करिब सात दशकअगाडि स्थापना गर्नुभएको गौरवशाली संस्थाको सन्देश यहाँ र यहाँहरूका बालबालिकाहरू समक्ष राख्ने सु–अवसर प्राप्त गर्न पाउँदा अत्यन्त खुसी र गर्वको महसुस भएको छ । श्री भद्रकाली माध्यमिक विद्यालयमा सञ्चालित विविध कार्यक्रमका बारेमा आदरणीय अभिभावक तथा प्यारा विद्यार्थी भाइबहिनीहरूलाई जानकारी गराउन चाहन्छुु । एउटा विशाल शैक्षिक मैदान निर्माणको गन्तव्य बोकेर अगाडि बढेको यस विद्यालयप्रति हिजो पनि सम्पूर्ण अभिभावकहरूको असिम माया र विश्वास थियो, आज पनि छ र भोलि पनि यस्तै सहयोगका हात र मनहरू प्राप्त हुने विश्वास यहाँहरू समक्ष राख्न चाहन्छु । निसन्देह, हामी एउटा  गुणस्तरीय शिक्षा प्रदान गर्ने एकलब्य अभियानमा जुटिरहेका छौँ । प्रविधिको माध्यमबाट जीवन र समाज परिवर्तनको लक्ष्यमा इमानदारीका साथ कटिबद्ध छौँ । वर्तमान समयको् मागलाई बुझेर यस संस्थालाई हरेक अभिभावक र विद्यार्थीहरूको पहिलो रोजाइको केन्द्र बनाउन हर सम्भव प्रयास गर्दै आइरहेका छौँ । विद्यार्थीमा राष्ट्र, राष्ट्रिय एकता र लोकतान्त्रिक संस्कारको भावना सिर्जना गराई  नैतिकवान, अनशासित, स्वावलम्बी र सिर्जनशील साथै चिन्तनशील भई समाज निर्माणमा योगदान दिन सक्ने नागरिक तयार गर्ने हाम्रो पहिलो जिम्मेवारी हो । आजका बालबालिकाहरूमा कला, सौन्दर्य, मानवीय मूल्य मान्यता, आदर्श र वैशिष्ट्यहरूको संरक्षण तथा संबद्र्धनको भावना जगाई एउटा उत्तरदायी नागरिक निर्माण गर्ने दायित्व पनि हाम्रो हो । २१ औं शताब्दीको शिक्षासँग हामी हाम्रा विद्यार्थीहरू अभिभावकहरूलाई मितेरी लगाई समाज रूपान्तरण गर्ने यात्रामा सह यात्रा गर्न आतुर रहेका छौँ ।

धन्यवाद । 

-          राजेन्द्र भण्डारी

प्रधानाध्यापक

भद्रकाली मावि, पोखरा-१३, कास्की